برنامج الـ Voice Control و WinSCP لتثبيته مع الشرح ,
السلام عليكم ورحمة الله وبركاته ,
ويسعد أيامكم بكُل خير ,
تنويه كبر طويق : البرنامج للي مسوين جيلبريك !!
هالمرة لا ثيمات ولا تويتر جايب لكم برنامج بصراحة بطل
والحقيقة اللي شدنّي للبحث عن البرنامج موضوع منزله واحد من مستخدمين الثري جي اس
وكاشخ علينا يالثري جي !
البرنامج : Voice Control
مهمته : للبحث داخل الآي فون بالصوت .
شغال ع الثري جي من تجربتي ويقولون هم بعد شغال ع الجيل الثاني والعهدة ع الرواي !
أيقونة البرنامج :
نبدأ بالشرح وطريقة تركيبه لتواكبون العصر يالمغبرين < تحطم بعد iPad
أولاً : تدخل على Cydia وتسوي Search عن OpenSSH
وتسوون له تثبيت بالآي فون .
ثانياً : تحملون أفضل برنامج لتصفح الملفات WinSCP وإعطاء التصاريح .
ورفعته لكم من هُنا .
ثالثاً : تحملون برنامج Voice Control ورفعته لكم من هُنا .
رابعاً : تكون شابك واير لس وتدخل على إعدادت الإتصال الواير لس وتحفظ هالرقم . < بسمع لكم شوي
— فاصل إعلاني —
بعد ما ثبتوا برنامج OpenSSH وحملتوا برنامج WinSCP و Voice Control نبدأ بالشرح الفعلي :
أولاً : ثبت برنامج الـ WinSCP على جهازك وبعدها إضغط ع أيقونة البرنامج :
ثانياً : بيطلع تبويب أكتبوا مثل ماهو موضح بالصورة :
ثالثاً : الحين واجهة البرنامج باليمين ملفات الآي فون واليسار ملفات كمبيوترك !
الحين نفك الضغط عن برنامج Voice Control وبيكون داخل هالمجلد ALMOR3EB.Voice Control
ننقل هالمجلد ( Voice Control.app ) إلى هالمسار التالي :
private/var/stash/Applications.BlkflG
بتطلع لنا رسالة نضغط على كلمة Copy علشان تتم عملية النقل .
رابعاً : بعد ما تأكدنا من نقله نضغط كلك يمين على مجلد Voice Control.app ونختار Properties .
خامساً : نختار مثل ماهو محدد بالصورة التالية ونضغط ع المربع جنب Set group وبعدها نضغط OK
سادساً : سوي ريستارت للجهاز وبعدها بتلقى برنامج Voice Control وعليكم بالعافية , وهذي واجهة البرنامج من جهازي .
سابعاً : فيه برنامج لقيته يخليك تشغل البرنامج عن طريق الدبل كليك على زر الهوم زي الثري جي اس
لكن للأمانه ما خليت حلّ ما دورته علشان أطلع بنتيجة فيه ولكن ما لقيت وفحطت بالمواقع والمنتديات الأجنبية
وللأسف مافيه برنامج تجاربه مضمونه وأغلبها ممكن تضّر الجهاز لذلك للتنويه لاحد يحمل برنامج : Custom HomeButton
من السيديا لأني حملته وللأسف طلع لي واحد يتميلح بالشاشة لكن تعاملت مع الموقف بكل حزم وقلّعته !!
ثامناً : شُكر خاص للأخ ALMOR3EB .
تاسعاً : إن أصبت فمن الله وإن أخطأت فمن نفسي والشيطان .